ఉత్పలమాల :
అప్పులు పుట్టు తావు అది ఆశలు మోసుల చోటు ఎన్నగా..
అప్పుడె ఒప్పి, పూని తను ఇవ్వగ వచ్చిన నేస్తు మిన్నగా!
ఎప్పుడు పొంచి ఉండు విధి అత్తఱి దాపున కాటు వేయగా..
చెప్పెడి మాట, కానగల చోద్యము- జీవిత సారమవ్వదా!!
అప్పు పుట్టే చోటు కనిపించిందంటే చాలు ఆశలు చిగురించే ప్రదేశం లాగా అనిపిస్తుంది. అవసరాన్ని అంగీకరించి తానుగా ఆ అప్పు ఇస్తానన్న మిత్రుడు గొప్పవాడని కూడా అనిపిస్తుంది. ఆటలాడుతూ ఉండే కాలవైపరీత్యం దెబ్బ కొట్టినప్పుడు, ఆ తమాషా చూసి చెప్పే మన మాటల్లో… జీవితసారం ధ్వనిస్తుంది కదా…!
మౌలికంగా జర్నలిస్టు. రచయిత. సుమారు ముప్ఫయ్యేళ్లుగా రాస్తున్నారు. తండ్రి ఎల్లయ్య స్థాపించిన ఆదర్శిని పత్రికతో రచనలు మొదలు పెట్టారు. రెండు కథా సంపుటులు ‘పూర్ణమూ.. నిరంతరమూ..’, ‘రాతి తయారీ’, ఒక నవల ‘సుపుత్రికా ప్రాప్తిరస్తు’ ప్రచురించారు.
Discussion about this post